玩咁大！？ 8×10,000mAh充电站够霸气玩咁大！？ 8

ROMOSS 呢只 C-Station 定位係 Portable Charger Station，其实係讲紧一个充电座可以同时帮 8 个 10,000mAh 尿袋充电，充电电流有 5V 16A，5 个半钟就可以充满晒！每个尿袋都有 10,000mAh电量，提供两组 2.4A 嘅 USB 输出。

C-Station 仲有独门秘技，就係串联充电！一组 C-Station 可以拖上拖，最多拖够 4 组 C-Station，一个拖苏位就为 32 个尿袋充电！

查实一般人点会用到 8 个尿袋吖，所以呢 Set 嘢係为商场、餐厅之类而设，方便预备尿袋畀员工或客人用。所以尿袋係用专用触点式充电设计，方便装上底座充电之余，街外人拎走咗尿袋都冇得充电，有埋防盗功用咁话。

C-Station 真係一套套咁卖，一个充电座连埋 8 个尿袋，开价都唔使 $2,400，计落又唔过分喎，係买一于买够 4 套玩尽 32 个尿袋啦！